Ghazal Remixed College Version

=======================================================
The remix ghazal
[** yeh daulat bhi lelo, yeh shohrat bhi lelo**]
=======================================================
yeh Degree bhi lelo, Yeh Naukri bhi lelo,
Bhale ccheen lo mujhse US ka Visa,
Magar mujhko lauta do college ka canteen,
Woh TeeKha Samosaa, Woh thanda saaa paani,
=======================================================
Woh College ki sabse - purani nishaanee,
Woh chai vaalaa jisko - sab kehte the... jaani,
Woh jaani ke hathon - ki 'cutting' chai meethi,
Woh chupke-se journal - mein jo bheji thi chitthi,
Woh padhte hi chitthi - tha uska bhadakna,
Woh chehre ki laali, woh hothon ki gaali ...
Woh teekha samosa, woh thanda saaa paani...........
=======================================================
Kadi dhoop mein - apney room se nikalnaa,
Woh project ki Khatir - tha dar dar bhataknaa ,
Woh lecture mein doston - ki proxy lagaanaa,
Woh ma'm ko chidana, aeroplane udaanaa,
Woh submission ki raton - ko jagna jagaanaa,
Woh viva ! ke kisse, woh pracs ki kahani....
Woh teekha samosa, woh thanda saaa paani..........
=======================================================
Woh dena Bimaari - ka har time bahana,
Woh doosron ke assignment - ko apnaa banana,
Woh seminar ke din - pairon ka cchat-patanaa,
Woh workshop mein din bhar - pasiinaa bahanaa,
Woh slogans banana - woh poster chipkana,
Phir Exam ke dinon - yaad aati thi naani,
Woh teekha samosa, woh thanda saaa paani........
=======================================================
College ki thi - woh lambi si raatein,
Woh doston ke tapre mein - fokat ki Baatein;
Woh gathering ke din - pyari mulakatein;
Woh kudiyon ka yuhin - hamesha akadnaa;
Woh ladkon ke aagey jo unka matakna;
Bhulaaye nahin bhool sakta hai koi -------
Woh college, ki yaadein jo ab hai kahani...
Woh Teekha Samosa, Woh thanda saaa paani

=======================================================